Um okkur

Skjaldarvík er fjölskyldufyrirtæki, við erum í þessu saman af lífi og sál. Óli, Dísa og stelpurnar okkar, þær Klara, Katrín og Sunneva taka vel á móti þér.

Óli (oli@skjaldarvik.is) er menntaður ferðamálafræðingur frá Háskóla Íslands og hestaáhugamaður. Óli hefur unnið að fjölbreyttum verkefnum er tengjast landi og þjóð og íslenskri náttúru.

Dísa disa@skjaldarvik.is)er grafískur hönnuður frá Myndlistaskólanum á Akureyri. Dísa er mikill hugmyndasmiður og áhugamanneskja um allt sem viðkemur hönnun, garðrækt og matreiðslu.

Klara okkar er 23 árs garpur sem hefur stundað hestamennsku frá blautu barnsbeini, Klara hefur undanfarin sumur unnið á hestaleigu og reiðskóla og er einstaklega natin með krakkana og dýrin. Klara er útskrifuð úr Háskólanum á Hólum, tengslum við sitt helsta áhugamál, hesta.

Katrín er 18 ára, fædd 29. febrúar 2000 og hefur því bara fjóru sinnum náð að halda almennilega upp á afmælið sitt. Katrín hjálpar til við alla hluti og stendur vaktina með mömmu og pabba.

Sunneva er 16 ára skotta og unir sér hvergi betur en í sveitinni, hörkudugleg og klár stelpa sem vísar þér til herbergis eða fer með í hestaferðina ef þú ert heppinn.